Sächzg Plus

Adaption des Beatles-Songs "When I'm Sixty-Four"

(Text: Andreas Aeschlimann, Juli 2021 / Melodie: John Lennon, Paul McCartney)

Jetzt wo-n-i alt bi, sächzgi und meh, bald scho pensioniert,
schrib i s’neu Kapitel i de Chrankegschicht
Und s’Rezäpt, wo d’Heilig verspricht.
Gange i d’Physio, riib d’Salbi i, hoff es gäch verbii.
Willsch glich bi mir bliibe,
mit mir d’Zyt vertriibe,
wänn i sächzg plus bi?

Häsch du d’Jahrring gseh?
Nume zwölf Mönet gaht’s und dänn
zellt me eine meh!

Luege, dass s’Gliichgwicht vo Körper und Geist besser harmoniert.
Lis e zur Ernährigsfrag drum au dä Bricht
über d’Gründ vo Rheuma und Gicht.
La mi berate, mache scho gli e tüüri Therapie.
Willsch glich bi mir bliibe,
mit mir d’Zyt vertriibe,
au wänn i sächzg plus bi?

Jede Abig wänn i mi vertüüf is Bild vom Tag, wo bald scho am End zue gaht,
han i überleit,
was d’Essänz vo dem Tageschreis mir für d’Zuekunft seit.

S’freut mi, hüt z’singe, s’isch mer e-n-Ehr, das berühemte Lied.
Muess jetzt aber richtig stelle, das isch Pflicht:
Gschribe ha-n-i nume s’Gedicht.
Vo Lennon/McCartney – wie chönnt’s andersch si – stammt die Melodie!
Willsch glich bi mir bliibe, mit mir d’Zyt vertriibe, au wänn i sächzg plus bi?

gsait & gsunge

vo Ewigkeit und Augeblick
(Mundart Chansons in zürichdeutsch)

 

Als Mundart Liedermacher singe ich «Züritüütsch und tüütlich», greife dabei in die Saiten und trage Chansons vor, bei denen es musikalisch und thematisch nicht nur um den Moment sondern auch den Nachklang geht. Mit Saiten und Singen möchte ich mich auf poetischen Pfaden bewegen, wo Hintergründiges in den Vordergrund gestellt und Unterschwelliges ins Hörbare gehoben wird.

 

Hörbeispiele aus der CD

Publikum | Suechi | Warum | Melodie | Gitarre | 

Paradox | Wortlos | Ewigkeit | Pointe | Zuefall | 

Technik | Uufbewahrig | Spare | Elemänt | 

Theater | Notenständer | Wünsch | 

Blatt und Stift

Die meisten Chansons des Programms sind auf der gleichnamigen CD inkl. Booklet mit allen Texten erhältlich (CHF 27.00 + CHF 2.00 Versand).